Bea e Rafa de Babirusa Danza volven visitar A Casa Vella para desenvolver o seu novo proxecto en vistas á súa presentación no ciclo 2025 de Festivais de Cantabria. Despregándose como un esconxuro, a peza explora a circularidade, o rito, a inercia do movemento nunha entrega hipnótica por parte de Beatriz como intérprete.
Un armazón de cooperacións que se precipitan ao baleiro para revelar o posible dentro do imposible, un exercicio de maxia, un misterio que nos une e convócanos, unha práctica de amor e valentía. A peza desprégase como unha viaxe polos carreiros do tempo, o son e a música en directo, a vídeo-proxección, a poética e o movemento, deixando espazo para ser compartida e que a dramaturxia sexa un viaxeiro en si mesmo.

Beatriz escribe: “En “El vacío que llena” indago sobre o meu momento presente. Atesourando os sentidos, o corpo, as emocións, a vitalidade, o movemento, a memoria e a identidade deste todo do que formo parte e que en ocasións sinto fragmentado e noutras unido. Xórdenme pensamentos sobre se os polos opostos son o resultado dunha imaxe distorsionada que nos sitúa nun posible soño do que non somos capaces de sentir a claridade da vida. Quen sabe?, e se non soubemos pensar doutras formas?, e se non existen os opostos? senón un baleiro que se enche e dá pé a unha transformación constante, como os cursos fluviais permanentes que se fornecen de neveros, mananciais, torrentes e augas salvaxes, para á súa vez fluír noutros arroios e ríos, como un caudal cheo no alto dunha montaña. A natureza humana sempre está a atravesar carreiros que non teñen nomee pero existen tal cal o fai un corpo que danza.”