‘FRÁXIL. handle with care’ é unha proposta de MATARILE en coprodución con Teatro
Español e Centro Dramático Galego, con estrea prevista en 2023. Trátase da 3ª parte da ‘Triloxía da fraxilidade’, precedida polo diaño na praia (2020) e INLOCA (2022).
Creación de Ana Vallés, con dirección e textos seus. A residencia na Casa Vella proponse para o desenvolvemento das formulacións escénicas (previa ao comezo dos ensaios co elenco e equipo ao completo), como un encontro/espazo para compartir e traballar con Miguel Muñoz e Rubén Vilanova as propostas escenográficas e de deseño de luz, así como compartir a dramaturxia e ideas de dirección con Nuria Sotelo.
En FRÁXIL plantexo mostrar un saber torcido, iluminado oblicuamente. Nesta forma de pensar coas tripas que nos caracteriza propoño recoñecer “o que non pode dicirse e só pode sermostrado” sen necesidade de preguntarnos se algo é verdadeiro ou se ocorreu realmente.Igual que soñamos lugares tamén podemos fantasear encontros desexados que puideron ocorrer, e construír a base de relatos ucrónicos.
Ante a fraxilidade das ruínas fantaseo cunha Europa lavada ou arrasada pola choiva, na que fose varrido o eurocentrismo. Unha Europa porosa, capaz de ser observada (construída, habitada) desde outras perspectivas, tamén cos seus propios ollos, os nosos ollos. Se as obras anteriores recolleron o pensamento e as palabras de George Steiner (A idea de Europa), Mircea Cartarescu (Europa ten a forma do meu cerebro) ou Agamben (Cando a casa quéimase), en FRÁXIL estará moi presente o cuestionamiento do eurocentrismo e a radical crítica cultural de occidente de María Zambrano, especialmente, a súa obra A agonía de Europa.