See-saw é un encontro entre tres personaxes diferentes, reunidos nun día especial, o día onde poden gañar o que sempre quixeron: un misterioso trofeo. Seesaw trata do humano fronte aos seus desexos máis grandes, aos seus obxectivos na vida e como decide enfrontarse a eles. See-saw empeza entón desde o xogo, metaforizado á vida. Os xogos de mesa inspiráronnos para caracterizar comportamentos observados nunha vida fronte aos obxectivos que temos e os medios máis ou menos éticos utilizados para chegar a eles. Tentamos meter o dedo nos comportamentos humanos máis crueis e absurdos, no vicio á vitoria, no vicio á guerra e nas outras aberracións que o mundo ten que xestionar.